Turmeric milk : इम्यूनिटीसाठी हळद दूध पिताय पण बनवायची पद्धत चुकतेय? पुरेपूर फायदा मिळवण्यासाठी ही घ्या योग्य रेसेपी...

 

Turmeric milk : इम्यूनिटीसाठी हळद दूध पिताय पण बनवायची पद्धत चुकतेय? पुरेपूर फायदा मिळवण्यासाठी ही घ्या योग्य रेसेपी...

Turmeric milk : आपल्यापैकी अनेकांना हळदीचे दूध कसे बनवायचे हे माहित नाही. जर ते योग्य पद्धतीने बनवले गेले असेल तर आपल्या शरीरावर कमालीचा परिणाम दिसून येईल.

Turmeric milk : इम्यूनिटीसाठी हळद दूध पिताय पण बनवायची पद्धत चुकतेय? पुरेपूर फायदा मिळवण्यासाठी ही घ्या योग्य रेसेपी...

आपल्यापैकी बरेच लोक असे आहेत, जे हळदीचे दूध बनवताना, एका पातेल्यात दुधात हळद पावडर मिसळून ते गरम करून पितात. यामुळे हळदीच्या दुधाची फक्त चव बिघडत नाही तर तुम्हाला त्यातील पोषणही पुरेश्या प्रमाणात मिळत नाही. सेलिब्रिटी पोषणतज्ञ मुनमुन गणेरीवाल यांनी इन्स्टाग्रामवर व्हिडिओ शेअर केला आणि म्हटले की आपण आजारी पडलो तरी हळदीचे दूध आपल्याला लवकर बरे होण्यास मदत करते. 

आपल्यापैकी अनेकांना हळदीचे दूध कसे बनवायचे हे माहित नाही. जर ते योग्य पद्धतीने बनवले गेले असेल तर आपल्या शरीरावर कमालीचा परिणाम दिसून येईल. बरेच लोक असेही म्हणतात की हळदीच्या दुधाची चव चांगली वाटत नाही. म्हणूनच, जर तुम्ही ते योग्य प्रकारे बनवले नाही तर ते तुम्हाला चांगली चव देईल. 

हळदीचं दूध बनवण्याची योग्य पद्धत

१) एक कढई घ्या आणि त्यात थोडे तूप घाला.

२) आता त्यात हळद घाला. मंद आचेवर काही सेकंद शिजू द्या.

३) आता त्यात एक चिमूटभर काळी मिरी, जायफळ पावडर आणि दालचिनी पावडर मिसळा.

४) गॅस बंद करा आणि एक कप गरम दूध घाला आणि चवीनुसार साखर घातल्यानंतर प्या.

हळदीच्या दुधात इतर मसाले का घालायचे?

1) हळदीची पावडर कच्च्या हळदीइतकी प्रभावी नसते. कारण बाजारातील उपलब्ध हळदीची पावडर भेसळयुक्त असू शकते.

२) हळदीच्या दुधात तूप वापरल्याने हळदीचे सक्रिय संयुगे तुपात चांगले शोषले जातात आणि ते दूध पूर्णपणे पौष्टिक बनते.

३) जर तुम्ही हळदीच्या दुधात काळी मिरी घातली तर हळदीमध्ये आढळत असलेल्या कर्क्युमिनचा प्रभाव अनेक पटींनी वाढेल.

हळदीच्या दुधाच्या सेवनाचे फायदे

 सूज कमी होते

हळदीच्या दुधात आढळणाऱ्या घटकांमध्ये शक्तिशाली एंटी इंफ्लेमेटरी गुणधर्म असतात. अभ्यास असेही दर्शवतात की कर्क्युमिनचा एंटी इंफ्लेमेटरी प्रभाव औषधांप्रमाणेच कार्य करतो. त्याचे कोणतेही दुष्परिणाम नसतात. यामुळे शरीरातील सूज कमी होऊन, संधीवात कमी होतो. 

प्रोटीनचा परफेक्ट सोर्स 

जर एकदा वजन कमी केल्यानंतर ते परत वाढू नये असं वाटत असेल तर प्रोटीन उत्तम सोर्स आहे. दूधामध्ये प्रोटीन आणि कॅल्शिअम मुबलक प्रमाणात असतं आणि त्याचबरोबर हळदीमध्येही अनेक पोषक तत्व असतात. 

फॅट्स कमी होतात

हळदीमध्ये डाएटरी फायबर्स असतात जे वजन नियंत्रणात ठेवण्यासाठी मदत करतात आणि फॅट्स कमी करतात. हळद टाकलेले दुध घेतल्यामुळे आपल्या शरीरातील अतिरिक्त चरबी कमी होते. कॅल्शिअम आणि मिनरल्स तसेच पोषक तत्व वजन कमी करण्यासाठी मदत करतात.

रक्तप्रवाह सुरळीत राहतो

हळदीमुळे रक्त शुद्ध होण्यास मदत होते आणि ब्लड शुगर कंट्रोलमध्ये राहतो. तसेच रक्त अधिक पातळ करण्यास मदत करते. शरीरातील रक्तप्रवाह व्यवस्थित राहतो. सर्दी, खोकला आणि घशात होत असलेल्या खवखवीसाठी हळदीचं दूध उत्तम ठरत असतं. रात्री झोपण्याआधी हळदीच्या दुधाचे सेवन केल्याने शरीर चांगलं राहतं.